10月12日 星期日

睇番上個post已經係好耐心前,我真係好鬼懶,hehe~~

我同Angel已經拍左4個幾月啦,感情越來越好,多謝大家關心.我地先後渡過左大家一齊左之後既第一個既生日,過得好開心,好甜蜜,好幸福~~總之就好好啦!我地plan左下個月會去澳門,而下年就會去台灣,所以我而家夜晚間中都會去做下part-time,可能你會覺得好辛苦,但辛苦d唔緊要,值得咪得囉!!I Love You~~~

re:蝦蝦~~咁唔叫曬架啦,收斂左好多架啦.................

re:肥仔~~咁你都想我地好架,係咪?

8月11日 星期1

8月8日,終於拍左兩個月lu,從未試過有咁既感覺...............sweet到漏,hehe!!或者我地實在太似,好多野都黎得好自然,唔使刻意去做已經有好好既效果,默契方面完全無用致疑,不論睇野,唸野甚至講野都經常一樣,仲要係同一個tone果度激動呀嘛~~~總言之,我覺得我真係搵到了.............i love you

計落有成兩個星期無打了,因為比人話曬得滯..............但我唸通了~~~我鐘意呀!!!!

轉眼間已經拍左個半月,呢個半月基本上可以話唔似拍拖,因為似拍緊台劇多d...............種種既巧合,令到我地一齊,而呢段日子裡面,有開心亦都有唔開心,當然開心既時候係佔大多數啦!而呢d野令到我地既感情更好.雖然只係個半月,但個過程實在太fantasy了~~~

7月7日 星期1

今日12點就起身lu,因為晏少少有重要任務要做!出到mk買完重要野既時候Angel咁岩就打黎,原來今日果堂改左時間,但學校又無事先通先佢地,搞到Angel今日返到去先知,白白浪費左一個可以好好休息既機會~~~不過既然大家都出左黎時間又夾得岩岩好,咁我就話不如過中環食lunch啦,於是我地就約係中環地鐵站附近等,然後就出發上蘭芳園,今日去到果附近都無乜人,咁先似番平時既中環架嘛!!我地今日係果度既話題都係圍繞住個豬泵dull撈丁,味道都唔錯wow
食完野答船返過tst再行過圓方度行街街,行過parda咁岩見到alan,咪入去打個轉咁囉,之後去左間書店睇左陣書,然後就周圍行,行到差唔多8點半就返過mk食牛肉面,跟手就去買飛睇街頭超人,無耐之後alan,君君同ada都到lu~~套戲好正,仲估唔到有咁多笑位,睇完君君就走先,餘下既我地就去左食甜品,仲吹左好耐水添,又是relax的一天

re:船長~~多謝曬,你一早搵到啦!!!呢期仲唔輪到我~~

7月5日 星期6

今日2點左右係尖咀地鐵站接完Angel之後,就拿拿聲出發過黃埔食野,cos我真係肚仔餓!Angel11點幾先食完野,仲話食到超飽~~但佢知我肚餓係咁話佢自已都想食野~~hehe!!我知你驚我餓親既,thx a lot~~我地去左正斗食雲吞麵,今日既湯底同雲吞仍然係咁正,係嫌個麵唔夠彈牙姐!!
食完野唸住去隔離ua買飛睇戲,咁岩撞到麥當當慈善基金賣獎卷,當然要支持下啦!!望一望佢d獎品,頭獎竟然係杏花樓美食券$12,000!!!!!!!!頂~~佢果度d野咁Q難食,點食到12k呀!!係咪玩野先!!二獎係25部數碼相機囉!!!我唸個個都唔會想得到頭獎~~~真係講都無人信!!最激既係開獎日期係2008年8月29日~~即係小弟生日果一day~~~有無咁橋呀!!到時真係比我中左果12k美食券你地班人有梗!!唔使旨意話唔食呀!!!!!
跟手過左jusco買番把孖人既刀仔要黎返工用!!然後就番落尖咀lu~~由於天氣太熱既關系,我地係海港城逗留左一段唔算短既時間,跟住我地去左一個埋藏左對我地有特別意義既地方坐左一陣,話到明係祕密啦!唔使估亦都唔使問啦讀者們,{我係唔會話比你知架}~~~by vivi
然後我地就落左朗豪坊既suzuki cafe食飯,叫左個2人set,有人食左3分1就投降~~~我真係食到反肚咁滯(你個奸計係唔會得呈架!係呀,話你呀,仲望!!)食完就答地鐵過彩虹站等阿匡黎接我地去球場,去到既時候哥頓已經到左啦,要你等咁耐真係唔好意思!今晚係我返工前最後一次踢波,好開心呀,仲要有波入,good啦!!!更加好既係你肯黎睇,hehe
之後我就同Angel,Alan,kero仲有Timathy飛的落左觀塘打冷,我同Angel實在太飽既關系只係負責吹水,食完就飛Van落番mk就散lu~~~我就當然係送Angel返去啦,行到大半突然落大雨~~好在我早有準備!!!呢期既天氣咁唔穩定,所以而家我既背囊入面長期都會有把傘,呢個moment就大派用場啦!送完Angel返去我既使命亦都完成,係時候返屋企lu